Detaje nga arrestimet e zyrtarëve të bashkisë Cërrik, ja shkeljet në kohë fushate

Dalin të tjera detaje në lidhje me arrestimin e disa zyrtareve publike dhe personave të tjerë në Cërrik.

Me urdhër të Prokurorisë se rrethit Elbasan është arrestuar  drejtori i shërbimit zjarrfikës së Cërrikut, Artion Taçi , 4 vartës të tij, nenpunesja e zyres se taksave ne bashki, 1 biznesmen dhe dy qytetarë.

Paraprakisht mësohet se Taçi akuzohet për ushtrim ndikimi të paligjshëm dhe krim zgjedhor pasi ka influencuar tek nenpunesja e zyres se taksave ne bashki qe të leshonte vertetime fallco per disa biznese gjatë periudhes se fushates zgjedhore të 14 majit.

Drejtori I zjarrëfikëses dhe vartësit e tij Agiano Dinoshi, Adnand Xhelili, Alban Shima, Armand Gjoka kanë marrë pjesë  aktive në zgjedhje në një kohë që e kanë pasur të ndaluar.