Këtë 7 mars, Muzeu i Arsimit në Korçë në 136-vjetorin e shkollës së parë shqipe, ka pasur vizitorë të shumtë.
Me rastin e festës së mësuesit aty u hap një ekspozitë me objekte, korrespondenca, sende personale të personaliteteve, të cilët kanë kontribuuar në çeljen e kësaj shkolle si dhe në mësimdhënien në Mësonjëtoren e Parë Shqipe.
Mes vizitorëve gjen edhe ish-mësues shqiptarë, nga disa krahina shqipfolëse.
ISH-MESUES NGA TROJET SHQIPTARE
Advertisement1–Sot kemi ardhur enkas për 7 mars, ditën e mësuesit.
2-Jemi në Korçë për të vizituar muzeun e shkollës së parë së gjuhës shqipe. Shkollën ku ne themi është përkundur djepi i parë i gjuhës shqipe.
Ka qene studiuesi Niko Kotherja, ai që ka grumbulluar nga pasardhësit e këtyre personaliteteve të arsimit, dëshmitë e asaj ngjarjeje të madhe.
Ndërkohë edhe në qytetin e Gjirokastrës , në kuadër të 7 marsit dhe 115-vjetorit të hapjes së shkollës së parë shqipe “Liria” u çel Ekspozita arkivore “Gërmat tona janë të arta”.
Në këtë ekspozitë u prezantuan materiale origjinale, si botime të hershme të teksteve të para mësimore, revista të botuara jashtë atdheut nga rilindas, dokumente dhe fotografi origjinale të veprimtarëve të shquar gjirokastritë.
