Ish-kryeministri Sali Berisha në një deklaratë për mediat pas mbledhjes së Grupit Parlamentar të PD-së u shpreh se nuk e ka lexuar ende vendimin e Gjykatës së Stasburgut për vrasjen e Aleks Nikës, më 21 janar të 2011.
Ai theksoi se nuk mund të ketë kurrë një pengesë hetimi nga Sali Berisha.
“Nuk e kam lexuar vendimin, nuk ka pasur dhe nuk mund të ketë kurrë pengesë hetimi nga Sali Berisha. Sesi është bërë hetimi, dosjet janë aty, vlerësimin e jep gjykata”, u shpreh Berisha.
Në vendimin e Gjykatës së Straburgut, theksohet se vrasja dhe moszbardhja e ngjarjes, janë dy shkelje të kryera nga shteti.
Në përfundim të çështjes së gjykuar sqarohet se gjykata ka gjetur mangësi në kuadrin ligjor që rregullon përdorimin e armëve potencialisht vdekjeprurëse.
Po ashtu në vendimin e gjykatës ngrihet shqetësimi se fshirja e pamjeve filmike nga kamerat e sigurisë menjëherë pas ngjarjes, e cila ngre dyshime të forta se fshirja ka qenë e qëllimshme për fshehjen e së vërtetës.
