Holanda dërgon të infektuarit me Covid në Gjermani

Pinterest LinkedIn Tumblr +
Holanda dërgon të infektuarit me Covid në Gjermani

Holanda është në alarm, prej zhytjes në krizë të reparteve të terapisë intensive. Dyndjet e të sëmurëve me COVID-19 kanë ezauruar të gjithë shtretërit në këto reparte, teksa autoritetet po i dërgojnë të shtruarit e rinj drejt Gjermanisë fqinje.

Kjo situatë ka bërë që të rritet numri i të vdekurve, pavarësisht se mbi 70% e të popullsisë është plotësisht e vaksinuar. Këtë 24 orësh, infektimet shënuan shifrën e dytë më të lartë për gjithë periudhën e pandemisë.

Drejt ezaurimit kapacitetet në terapinë intensive edhe në Gjermani, ku këtë të Mërkurë u shënua një rekord i ri negativ infektimesh me gati 67 mijë raste, mbi 1 mijë më shumë se rekordi i 18 Nëntorit. Edhe numri i viktimave po rritet.

E njëjta situatë edhe në Austri, ku pavarësisht karantinës së plotë prej të Hënës, apo masës së izolimit në shtëpi të të pavaksinuarve, infektimet ditore vazhdojnë të rriten deri në rekordin e ri negativ të gjithë periudhës së pandemisë të kësaj të Mërkure me gati 15 400 raste.

Advertisement

Infektimet prekën shifrën më të lartë që prej ditëve të fundit të Prillit me mbi 30 400 raste të reja. Në Greqi autoritetet njoftuan më tepër se dyfishimin e shtretërve në terapinë intensive, ndërsa thanë se pandemia tashmë rëndon mbi shpatullat e të pavaksinuarve.

Share.

Comments are closed.

Copyright © 2021 Struga.info | Privacy policy