Detaje të reja kane dale në dritë nga skandali i korrupsionit që tronditit Parlamentin Europian.
Sipas autoriteteve belge të cilat po drejtojnë hetimin, më shumë se 1.5 milionë euro në para kesh u sekuestruan në total nga shtëpitë e eurodeputetes greke Eva Kailit dhe ish-deputetit evropian Pierre Antonio Pancheri në Bruksel.
Mediat belge Le Soir raporton se policia federale gjyqësore ka gjetur rreth 600 mijë euro në shtëpinë e ish-deputetit italian. Ndërsa pjesa tjetër e parave u gjet në shtëpinë që Eva Kaili kishte në Bruksel bashkë me partnerin e saj Francesco Giorgi.
Ish-eurodeputetja greke përmes avokatit të saj është deklaruar e pafajshme.
Avokati ka thënë se ai nuk ka informacion ku janë gjetur gjetur paratë apo se sa janë gjetur. Nga hetimet ka rezultuar se Kaili ka krijuar muajt e fundit edhe një kompani imobiliare.
Eva Kaili po mbahet në paraburgim në Belgjikë ndersa nesër ajo pritet të njihet me akuzat. Së bashku me të janë në paraburgim edhe 4 personat të tjerë ish-zyrtarë të tjerë të Parlamentit Europian.
Presidentja e parlamentit europian Roberta Metsola u shpreh se ishte e tërbuar dhe se demokracia europiane ishte nën sulm.
