Komuna e Bërvenicës është një ndër 44 komunat ku është votuar në rreth të dytë ndërsa për kryetarin e komunës kanë garuar Jovica Ilievski nga OBRM-PDUKM dhe Enver Pajaziti si i pavarur. Rezultet janë nga Komisioni Shtetëror Zgjedhor, njofton Telegrafi Maqedoni.
Me 39,70% të votave të numëruara, me 1546 vota është në avantazh kandidati i pavarur, Enver Pajaziti, kundrejt Jovica Ilievski të OBRM-PDUKM me 1543 vota.
Në këtë komunë dalja ka qenë 44%, apo 6918 qytetarë që kanë votuar, nga 15,732 gjithësejt me të drejtë vote.
Përndryshe, në rrethin e dytë të zgjedhjeve në Maqedoninë e Veriut dalja ka qenë 48,88%, apo 633.146 qytetarë nga 1.335.556 qytetarë që kanë mundur të votojnë në komunat ku është votuar për rreth të dytë. /Telegrafi/
Garë e ngushtë etnike në Bërvenicë shkruan Telegrafi.
