Komuna e Strugës ndalon ecjen me veshje plazhi nëpër qytet

Pinterest LinkedIn Tumblr +

Komuna e Strugës përmes faqes zyrtare në Facebook, kërkon nga mysafirët dhe turistët, të cilët freskohen në ujërat e liqenit të Ohrit apo Drinit të Zi, që të respektojnë rregullat e mirësjelljes dhe rendit publik, duke mos shfaqur lakuriqësi në vende dhe hapësira publike, përcjell Telegrafi Maqedoni.

“Për respektimin e rendit publik, sidomos gjatë sezonit turistik veror, ndalohet ecja me bikini dhe brekë plazhi gjatë gjithë ditës nëpër shëtitoren qendrore, nga Ura e Çarshisë deri në Tregun e Gjelbër”, thuhet në njoftimin e Komunës së Strugës.

Në rrethinën ku ndalohet lëvizja me rroba banje janë vendosur shenja adekuate.

“Sjellja juaj është imazh i qytetit, prandaj të gjithë duhet të përpiqemi të ruajmë imazhin pozitiv të një destinacioni turistik siç është Struga”, shtojnë nga atje./Telegrafi/

Advertisement

Komuna e Strugës ndalon ecjen me veshje plazhi nëpër qytet shkruan Telegrafi.

Share.

Comments are closed.

Copyright © 2024 Struga.info | Privacy policy