Milani kërkon dhjetë milionë euro për Castillejon

Pinterest LinkedIn Tumblr +

Sulmuesi i krahut, spanjolli Samu Castillejo mund të largohet nga Milani në fund të këtij edicioni për dhjetë milionë euro. Ky është çmimi që drejtuesit e klubit nga Serie A, e kanë caktuar për futbollistin, kanë njoftuar mediumet italiane të hënën.

Bëhet e ditur se me paratë nga shitja e Castillejos, te Milani po synojnë të blejnë një tjetër sulmues krahu dhe tashmë kanë vënë në shënjestër italianin Riccardo Orsolini që është pjesë e Bolognas.

Castillejo nuk është përshtatur te Milani dhe interesim për transferimin e tij, tashmë ka treguar Villarreali.

26-vjeçari ka kontratë me ekipin italian deri në vitin 2023, kurse këtë sezon ka shënuar tre gola dhe ka bërë tri asistime në 39 ndeshje.

Advertisement
Share.

Comments are closed.

Copyright © 2021 Struga.info | Privacy policy