Agnelli nxin Juventusin e drejtuar nga Sarri: Ishte një sezon mu*i

Pinterest LinkedIn Tumblr +
Agnelli nxin Juventusin e drejtuar nga Sarri: Ishte një sezon mu*i

Marrëdhënia mes Juventusit dhe Maurizio Sarri, pavarësisht se fitoi titullin, nuk ngjiti kurrë. Konfirmimi i shumëfishtë vjen nga seriali “All or Nothing” në “Amazon Prime Video”, në të cilin shohim fjalimin e mbajtur nga presidenti Agnelli në fillim të sezonit të kaluar.

Numri një i klubit bardhezi duke folur me ekipin dhe stafin nuk e ka “kafshuar gjuhën” fare për të përcaktuar se çfarë kishte ndodhur disa muaj më parë: “Unë kam qenë president i Juventusit për 10 vite. Nëse shikoj vitin e kaluar, përtej rezultateve sportive, ju them nga zemra se ishte një sezon mu*i. Edhe këtu mes jush, dikush nuk dha gjithçka që duhej”.

Fjalë të qarta për të lëvizur diçka në një mjedis që padyshim kishte nevojë për një tronditje: “Ne jemi një grup që duhet të shkojmë gjithmonë bashkë në të njëjtin drejtim. Bëmë një zgjedhje, tek e cila besoj shumë, që është ajo e Pirlos. Tani ai është në krye të skuadrës për t’ju dëgjuar dhe stërvitur çdo ditë.

Do të jetë një vit i vështirë, por besoj se do të kthehemi tek entuziazmi i një kohe. Kushdo që do të përpiqet të prekë qoftë edhe njërin prej jush, fillimisht do të kalojë mbi trupin tim. Kujdesuni për pjesën tjetër”.

Advertisement
Share.

Comments are closed.

Copyright © 2021 Struga.info | Privacy policy