Lukaku i pandalshëm, Interi del në vend të parë

Pinterest LinkedIn Tumblr +

Sulmuesi i fuqishëm, Romelu Lukaku ishte i pandalshëm të dielën mbrëma, ndërkohë që Interi ka dalë në vend të parë në tabelën e Serie A.

Interi fitoi 3:1 ndaj Lazios në ndeshjen e xhiros së 22-të të kampionatit italian. Sulmuesi belg realizoi penallti për epërsinë prej 1:0 të Interit. Ai shënoi nga pika e bardhë në minutën e 22-të. Ishte penalltia e dhjetë e realizuar nga Lukaku tek Interi. Nuk ka dështuar asnjëherë.

Për 2:0 Lukaku shënoi në fund të pjesës së parë (45+1). Lazio u mundua të kthehet në lojë kur Gonzalo Escalante shënoi për 2:1 në minutën e 61-të.

Por vetëm tre minuta më vonë Lukaku shpërtheu në një depërtim dhe asistoi mjeshtërisht për Lautaro Martinezin që realizoi për 3:1.

Advertisement

Me këtë fitore, Interi ka dalë në vend të parë me 50 pikë. Në vend të dytë ka rënë Milani që i ka 49 pikë. Lazio është e shtata me 40 pikë.

Për Lazion prej minutës së 70-të luajti Vedat Muriqi.

Lukaku ka arritur në shifrën e 300 golave me skuadra dhe me ekipin A përfaqësues. Ka realizuar 87 herë për Evertonin, 57 herë për Belgjikën, 56 herë për Interin. Te Manchester Unitedi ka shënuar 42 gola, te Anderlechti 41, kurse te WBA 17.

Advertisement
Share.

Comments are closed.

Copyright © 2021 Struga.info | Privacy policy